მიწაზე ქონების გადასახადის გადამხდელია პირი, რომელსაც საგადასახადო წლის 1 აპრილის მდგომარეობით საკუთრებაში აქვს დასაბეგრი მიწა ან სარგებლობს სახელმწიფო საკუთრებაში არსებული მიწით, მფლობელობაში ან/და სარგებლობაში აქვს, გარდაცვლილი პირის სახელზე რეგისტრირებული მიწის ნაკვეთი, გარდა იმ შემთხვევისა, როდესაც მიწის ნაკვეთით სარგებლობა ხორციელდება იჯარის, ქირის, უზუფრუქტის ან სხვა ამგვარი სახის ხელშეკრულების საფუძველზე.

ფიზიკური პირის ქონების გადასახადის წლიური დეკლარაციის წარდგენის ვადა - არა უგვიანეს კალენდარული წლის 1 ნოემბრისა, გადასახადის გადახდის ვადა - არა უგვიანეს კალენდარული წლის 15 ნოემბრისა. დამატებითი ინფორმაცია იხილეთ ბმულზე

საწარმო/ორგანიზაციის ქონების (მათ შორის მიწის) გადასახადის დეკლარაციის წარდგენის ვადა - არა უგვიანეს კალენდარული წლის 1 აპრილისა, მიწაზე ქონების გადასახადის გადახდის ვადა - არა უგვიანეს კალენდარული წლის 15 ნოემბრისა. დამატებითი ინფორმაცია იხილეთ ბმულზე.

მიწაზე ქონების გადასახადის გადახდა ხორციელდება ერთიან სახაზინო კოდზე - 101001000.