უცხოეთის დიპლომატიური და მასთან გათანაბრებული წარმომადგენლობის და დიპლომატიური მისიის წევრის (შემდგომში - დიპლომატიური წარმომადგენლობის წევრი) პირადი სარგებლობისათვის განკუთვნილი საქონლის მიწოდებისას ან/და მომსახურების გაწევისას, ჩათვლის უფლებით დღგ-ისგან გათავისუფლებისათვის დიპლომატის სააკრედიტაციო ბარათის ვალიდურობის დასადგენად აუცილებელია შემდეგი მონაცემები:

• დიპლომატის სააკრედიტაციო ბარათის ნომერი და დიპლომატის პირადი ნომერი,

• იმ შემთხვევაში თუ დიპლომატის ბარათი არ მოიცავს მონაცემებს პირადი ნომრის შესახებ, საძიებო ველში შეგყავთ დიპლომატის დაბადების თარიღი (დღე-თვე-წელი).

გთხოვთ, გაითვალისწინოთ, რომ უცხოეთის დიპლომატიური და მასთან გათანაბრებული წარმომადგენლობის და დიპლომატიური მისიის წევრის (შემდგომში - დიპლომატიური წარმომადგენლობის წევრი) პირადი სარგებლობისათვის განკუთვნილი საქონლის მიწოდებისას ან/და მომსახურების გაწევისას, ჩათვლის უფლებით დღგ-ისგან გათავისუფლებისათვის სავალდებულოა:

• დიპლომატიური წარმომადგენლობის წევრმა საქონლის/მომსახურების მიმწოდებელს უნდა წარმოგიდგინოთ საქართველოს საგარეო საქმეთა სამინისტროს დიპლომატიური პროტოკოლის დეპარტამენტის მიერ მის სახელზე გაცემული პირადობისა და ოფიციალური სტატუსის დამადასტურებელი შესაბამისი სააკრედიტაციო ბარათი;

• საკონტროლო-სალარო აპარატით ამობეჭდილი სალაროს ჩეკზე/ანგარიშ-ქვითარზე მიუთითოს ოფიციალური სტატუსის დამადასტურებელი სააკრედიტაციო ბარათის ნომერი;

• აღნიშნული ინფორმაცია და დღგ-ის გარეშე საქონლის/მომსახურების შეძენის ფაქტი დაადასტუროს საკონტროლო-სალარო აპარატით ამობეჭდილი სალაროს ჩეკზე/ანგარიშ-ქვითარზე ხელმოწერით და დაგიბრუნოთ.